2014年3月26日星期三




香港這個彈丸之地,內裡仍有好多城市綠洲,例如是綠化帶,公園、配水庫公園等等。係石硤尾及太子之間,坐立了一個山頂配水庫,名字不詳,好多人都叫佢做水塘山(但水塘山係香港都有幾十個)。

這坐小山不高於100米,而且亦被本地的晨運客"發展"為一又一個晨運樂園,登山的小路四通八達,縱橫交錯,這種現象可算是香港配水庫山的特色之一。

值得一提的是這個小山上,有為數不少的野狗出沒,好多放狗人仕亦會帶佢地飼養既狗上山溜狗。野狗當然唔鐘意其他狗黎踩場,而外來狗既主人亦都無好好管教佢地自己帶黎既狗,所以每次相遇都總有一戰,簡直係另類版的狗隻公園。

這次拍攝其實是用了兩枝鏡頭來完成,分別是最常用的CZ 110/2 FE 及HASSELBLAD 250/5.6 C銀鏡版,再配上很適合用來拍攝日落時份的KODAK E100VS。拍出來就係是偏暖及濃烈色彩的正片感覺,另外也有用上FUJI RDPIII 正片,偏冷一點,但色彩還原度很好。

*所有正片都是用EPSON V700 及 SF 6.6r 掃瞄。若效果不佳請點原圖.











走進石硤尾(二) ─ 水塘山
上午1:37:00

走進石硤尾(二) ─ 水塘山

2014年3月21日星期五

石硤尾這個地方,如果你都係住九龍一帶既朋友,相信都唔駛點介紹,搭地鐵一定會經過,但你會唔會認真地去探索下呢個經歷過數次拆卸及重建既小山呢?

基本上,由大埔道明確地規劃出深水埗及石硤尾兩地區,石硤尾從前係一個渺無人煙的小山崗。自二次世界大戰後本港人口激增,區內靠近山邊的地區,包石硤尾,白田、蘇屋、李鄭屋和大坑東,西都搭滿木屋。

1953年聖誕前夕,石硤尾木屋區發生大火,導致數萬人失去家園,政府於是緊急撥款,在原地興建徙置屋或多層簡單大廈(現今的美荷樓),安置受影響居民,推動了全港公共屋宇政策的實施。

2013年冬天的某日,我拎起HASSELBLAD 203相機及CZ110/2鏡頭,決定真正走進石硤尾邨去探索一下。為何是"真正"? 因為石硤尾這個地方對我而言並不陌生,自小時候起就會每年黎一次搵姨公同姨婆拜年。到左升讀浸會大學,石硤尾南山村因臨近九龍塘,南山村入面既品香樓更加係開餐既首選(因為FESTIVAL WALK又貴又無乜得揀..而且要排隊)。而且每次由畢架山攀石後,總會係石硤尾食埋飯先走。

記得當天(幾筒菲林影左幾個月先拎去沖洗)仍然寒冷,出奇係下午有太陽,但仍有小量雲...唔理啦,行左去先算。因為已經係下午3-4點,陽光唔係咁足夠俾我去手持拍攝,但CZ 110/2 既優勢就正係弱光下仍然可以保持到1/125 以上的快門,當然係光圈全開下,景深好淺,如果要用黎拍攝人像或移動物件,就有點難度。若果有一支輕便的單腳架就不錯了,因為可以保持機動性之餘亦唔需要太大負擔。

這次用了KODAK E100VS及FUJI RDPIII 黎拍攝,我的E100VS存貨已經不多了,本來打算拍完就賣左部HASSELBLAD,可惜告吹了。但反而我放棄賣機的念頭,令我更珍惜餘下用HASSELBLAD的日子。


獅子山下


牌九耍樂



你會揀7仔定係士多?

難度非常高的手持作品

弱光下手持拍攝,快門只有1/60



走進石硤尾─南山邨
上午6:37:00

走進石硤尾─南山邨